浩然行腳: 聖誕清唱曲

聖誕節清唱曲

嘉義救恩堂詩班演唱

指揮：李娟仁老師

伴奏：洪上惠老師

1.冬天的賜福

(朗誦) 在冷冷的冬天，樹葉枯乾，有雪降落，世間盼望親像攏總消無。總是咱的主知咱世間人的軟弱，用祂的疼將獨生聖子耶穌賞賜互咱人類，成做咱的拯救.這個世代，世間人攏犯了罪，上帝卻是大開救恩的門，將主耶穌化作疼與目屎，來世間與咱做朋友；耶穌，祂是王，祂的權柄治理萬國，祂的救恩遍滿全地。今仔日咱欲同心歡喜，迎接咱的主耶穌出世，用歌聲，用謳咾，用心靈同齊來敬拜。

2.同心歡喜,我主出世

同心歡喜，同心歡喜，哈利路亞！同心歡喜救主出世，榮光歸我主基督。完全恩典無比愛疼，哈利路亞我主出世大家同歡喜。

3.卑微聖誕,我主耶穌

救主出世世間，拯救百姓，馬利亞在室女尊主做大；耶穌降世佇馬槽裡，充滿權柄閣充滿氣力，萬民當來拜祂，我主耶穌。天頂一粒明星，來引導因，三位博士來主前拜祂，手拿禮物跪拜耶穌，萬民謳咾主出世馬槽。卑微聖誕我主耶穌。

4.牧者暗暝看顧羊群

牧者暗暝看守羊群，大家坐佇草埔頂面，忽然天使自天降臨，報因一個好消息，叫因免驚主已經降臨，大君王大主宰阮欲獻上禮物，祢的疼滿世間阮欲獻上感謝，祢為阮世間眾人卑微出世佇馬槽裡，滿天星辰攏與阮同歡喜。(兩次)

5.天使合唱的歌

天使圍壘佇主身邊，大聲吟詩謳咾，我主耶穌今日出世伯利恆。嬰仔耶穌臥著靜靜，馬槽內透光明，面貌溫純充滿仁愛，我主耶穌。天使唱和散那歌聲美妙，哈利路亞！天軍唱和散那同齊迎接我主的出世。親像昔時應允救世君王今已經出世，阮欲同心敬拜同齊謳咾我主出世。天使天軍相及聚集，大聲吟詩謳咾，我主耶穌今日出世伯利恆。先知早時就有闡明嬰仔欲坐寶座天使天軍閣再謳咾，哈利路亞！因講：佇至高的所在榮光歸佇上帝，閣吟：地上和平欲歸佇祂所歡喜的人。天使打鑼打鼓天軍唱歌歡喜主出世，地上同心敬拜同齊謳咾我主出世。哈利路亞阿們！哈利路亞！歡喜迎接我主出世。

6.迎接聖主入咱心

救主來世間拯救萬百姓，為咱祂互人釘死，帶咱離開黑暗世代，隨主咱就無塞礙，兩千年前的一個黑暗暝，啟明星光光照佇天，因報咱知救主出世，佇卑微馬槽裡。總是當祂出世就有人棄撒祂，咱人也是按呢，沒想要接納祂，祂大愛疼將咱包圍，祂寶血洗咱罪清氣，今咱來到主面前展開咱的雙手，將寶貴聖主耶穌迎接入咱心。(回第2首同心歡喜，我主出世)

第一段：